CCXXVIII.

1352, Mai 8. Frankenstein.

Schiedsspruch in der Streitsache zwischen dem Abte und den Schultheissen zu Frankenberg, Dytko und Ludwig Gebrüdern gen. Probsthain.

In nomine domini amen. Nos Conadus de Rybenicz miles, Nicolaus de Rancow dictus de Bresnicz et Nicolaus Berwici, Petrus Nigri, Nicolaus Magistri et Johannes Monachi consules in Frankensteyn, arbitratores religiosi viri, domini Syghardi abbatis monasterii in Camencz ord. Cyst. Wrat. dioc. ex una, et honestorum Dytkonis et Ludwici fratrum dictorum Probisthayn, scultetorum de Frankenberg Frankensteynensis districtus parte ex altera, per easdem utrasque partes specia­liter electi, ad universorum tam presentium quam futurorum perpetuam deferimus notionem, quod predicte ambe partes nobis dederunt ad manus tamquam veris arbitratoribus cum plena potestate per ipsos electis, omnem dissidiam primitus inter ipsos ex utraque parte exortam, quam auxiliante nobis deo complanare volumus et sopire, in bonam amiciam convertentes et concordiam perpetuam, perpetuis temporibus irrefragibiliter duraturam. In primis per diffinitivam sententiam tamquam veri arbitratores dicimus, ordinamus et discutimus istam inpetitionem fore nullam indebitam et omnino iniustam, sicut Dytko et Ludwicus fratres et sculteti supradicti dominum abbatem supra­dictum suumque monasterium pro quibusdam scultetie iuribus in Wartha opido inpetiverunt, pro quibus prius sufficienter sunt concordati. Item secundo dicimus per diffinitivam sententiam, sicut predicti fratres sculteti dominum abbatem supradictum et suum monasterium pro avulsionibus agrorum propter fossata per aquam Nyze prope Frankenberg facta inpetiverunt, quod hec inpe­ticio similiter est nulla indebita et iniusta, cum ibidem littora aque Nyze ex utraque parte non sunt domini abbatis supradicti, nec monasterii ipsius. Item tercio dicimus per diffinitivam sentenciam et pro iure dictamus, sicut supradicti fratres sculteti dominum abbatem supradictum et suum monasterium inpediverunt facere fossata prope Pilcz pro transitu aque Nyze, ubi littora ex utraque parte monasterii supradicti sunt, quod hoc inpedimentum domino abbati supratacto et suo monasterio factum est indebitum et iniustum, quia dominus abbas modernus vel sui successores ibidem in Camencz aquam Nyze in bonis suis per fossata rectificare possunt, quomodo sibi placebit, quando et quociens sibi necesse fuerit iuxta beneplacitum proprie sue voluntatis, ita tamen sane, ut non bonis noceat scultetorum supradictorum; si vero ipsorum bonis nocuerit, hoc erit arbitrio proborum virorum conmittendum. Insuper dicimus et auctoritate arbitrii ordinamus, quod omnis inpeticio inantea per predictos scultetos et quoslibet suos successores fortuitu monasterio Camencz prenotato fienda cessare debet omnino, sive sit occulta vel manifesta. Has igitur ordinacionem et discussionem sic ad instanciam parcium utrarumque supradictarum factas, auctoritate arbitrii stabilimus, ut nullus supradictorum scultetorum per se vel per alios et quis­quicunque ipsorum heredes vel successores, sive sunt nati vel non nati, ipsos non audeant usque inperpetuum ausu temerario infringere seu et quoquomodo attemptare. Et quas ordinacionem et discussionem supradictas per nos per modum et auctoritate arbitrii, prout premittitur, factas utraque pars supradicta hylari vultu et ore ridenti collaudarunt, supplicantes nobis, quatenus de singulis premissis sub sigillis nostris testificaremur. Nos vero ad ipsorum supplicaciones arbitrii nomine diligenter attendentes, presentes nostrorum sigillorum robore fecimus conmuniri in testimonium premissorum et ad cuius rei evidentiam pleniorem Dytko et Ludwicus fratres sculteti supradicti presentibus sua sigilla appenderunt. Datum per manus Heynrici notarii civi­tatis Frankensteynensis anno domini M°.CCC°.LII° in die sancti Stanizlai.

Or. Perg. Die wohlerhaltnen Siegel der Stadt Frankenstein (s. Freih, von Saurma's Schles. Städtewappenbuch T. II. No. 22. u. Sp. 51.), des Ritters Kunad von Reibnitz (zwei Querbalken im Dreiecksschilde; Umschrift: † S . CVNADI . D . RIBNICZ.), der Brüder Dytko und Ludwig gen. Probsthain (beide führen einen en face gestellten Helm, der ein geöffneten, mit sechs Pfeilen (je drei auf einem Flügel) belegten Adlerflug trägt; Umschrift den ur­kundlichen Namen genau entsprechend), an Pergamentstreifen. Das fünfte, stark verletzte S. scheint dasjenige des Nicolaus de Rankow, an gleicher Befestigung, zu sein.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.